“Inchcape” Belçikada “Kennedy Hunter NV” liman agentliyini alır
İngiltərənin “Inchcape Shipping Services Holdings Ltd.” (“Inchcape”) liman agentliyi Belçikanın “Kennedy Hunter NV” şirkətini “Conti-Lines Group”-dan (keçmiş “Conti7”) almaq üçün müqavilə imzalayıb.
“Seanews.az”-ın məlumatına görə, sövdələşmə “Inchcape”-in Şimali Avropa bazarında quru və “Ro-Ro” yüklərinin nəqli sahəsində iştirakını və broker əməliyyatlarını artıracaq.
“Conti-Lines Group”-un baş direktoru Jan-Frederik Brion, eyni zamanda “Kennedy Hunter NV”-in Belçikanın bütün limanlarında agentlik fəaliyyətini davam etdirəcəyini əmin edib.
“Inchcape Belgium” heyət logistikası, bunker yanacağının idarə edilməsi, neft və qaz logistikası, dərinləşdirmə, kabelçəkmə, kruiz turizmi daxil olmaqla bir sıra dəniz xidmətləri təqdim edir.
“Inchcape Shipping Services Holdings Ltd.” liman agentliyi və dəniz xidməti təminatçısıdır və dünya limanlarının 85%-də xidmət göstərir.
