“Erin” tropik fırtınası Atlantik okeanında builki ilk qasırğa olacaq
Atlantik okeanında yaranan “Erin" tropik fırtınasının cümə axşamına qədər mövsümün ilk qasırğası olacağı gözlənilir.
AZƏRTAC-ın məlumatına görə, şənbə günü 3-cü kateqoriyaya kimi yüksələcək qasırğanın ABŞ-a birbaşa təsir etməyəcəyi, Puerto Riko daxil olmaqla Katib adalarını əhatə edəcəyi proqnozlaşdırılır.
Gələn həftə “Erin” qasırğasının Şimala doğru hərəkətə başlaması ehtimal edilir. Lakin sinoptiklərin fikrincə, onun ABŞ sahillərinə daxil olacağını demək hələ tezdir.
© Materiallardan istifadə edərkən hiperlinklə istinad olunmalıdır
