Ada 105 milyon lirəyə satışa çıxarıldı
Türkiyənin Balıkesir vilayətinə aid olub, sahilə 230 metr məsafədə yerləşən və 265 kv/m sahəyə malik Çiçək adası 105 milyon lirəyə(təminən 31 milyon manat) satışa çıxarılıb.
Adaya Çin və Qətər iş adamlarının maraq göstərdiyi bildirilir.
4 ədəd şirin su quyusu olan adada çoxlu sayda zeytun ağacları da var. Ən yüksək nöqtəsi 22 metrdir.
Sahilə yaxın ərazinin sakinləri “Yaşıllığı, dənizi və çiçəkləri ilə çox gözəl adadır. Satışa çıxarıldığını bir neçə gün öncə eşitdik. Buranı alan investor adanı daha da gözəlləşdirəcək” deyiblər.
© Materiallardan istifadə edərkən hiperlinklə istinad olunmalıdır
