Ventspils limanının yük dövriyyəsi 2,3% artıb
2023-cü ilin yanvar-fevral aylarında Latviyanın Ventspils limanının yük dövriyyəsi əvvəlki ilin müvafiq dövrü ilə müqayisədə 2,3% artaraq 2,4 milyon tona çatıb. O cümlədən, 1,17 milyon ton maye yük (+26,5%), 799 min ton balker yükləri (-20%) və 425 min ton ümumi yüklər (+1%) aşırılıb.
“Seanews.az”-ın məlumatına görə, hesabat dövründə limana 221 gəmi yan alıb ki, bu da əvvəlki ilin müvafiq dövrü ilə müqayisədə 1,8% azdır.
Venta çayının mənsəbi yaxınlığında yerləşən Ventspils limanı neft məhsulları, maye kimyəvi maddələr, gübrələr, metal, ağac və balıq sənayesi məhsulları, kömür, konteynerlər və Ro-Ro qoşqularının yüklənməsi və boşaldılması üçün terminallarla təchiz edilmişdir.
2022-ci ildə Ventspils limanında 14,7 milyon ton yüş aşırılıb.
© Materiallardan istifadə edərkən hiperlinklə istinad olunmalıdır
