Süveyş kanalında Çin yük gəmisi saya oturdu: hərəkət dörd saat dayandı
Çinə məxsus "Xin Tai Yuan" (75,413 dwt) yük gəmisi texniki nasazlıq səbəbindən Süveyş kanalında saya oturaraq cənub istiqamətində hərəkət edən nəqliyyatın yolunu kəsib.
“Seanews.az” xəbər verir ki, Rusiyanın Ust-Luqa limanından Sinqapura doğru hərəkət edən 225 metr uzunluğundakı gəminin sükan idarəetməsində problem yaranıb.
Süveyş Kanalı Rəhbərliyi (SCA) gəmini yenidən hərəkətə gətirmək üçün dörd yedək gəmisi, o cümlədən 90 tonluq çəkmə gücünə malik yeni "Azm 2" yedəyini əraziyə cəlb edib. Gəmi uğurla sudan çıxarılaraq texniki baxış üçün Böyük acı göl (Great Bitter Lake) ərazisinə aparılıb.
Qəza səbəbindən kanalda hərəkət 4 saat müddətinə dayanıb. Təftişdən sonra gəmidə ciddi zədə aşkarlanmazsa, onun yoluna davam edəcəyi bildirilir.
Bu insident "Ever Given" gəmisinin kanalı altı gün ərzində bağlamasından beş il sonraya təsadüf edir.
