Hindistan 110 neft tankerinin inşası və alınmasına 10 milyard dollar xərcləyəcək
Dünyanın üçüncü ən böyük neft idxalçısı olan Hindistan tədarükü təmin etmək üçün öz donanmasına sahib olmaq istəyir.
“Seanews.az” “Economic Times” nəşrinə istinadən xəbər verir ki, Hindistan hökuməti 2040-cı ilədək xam neftin daşınması üçün 10 milyard dollara 110 tanker almağı planlaşdırır.
Hazırda dövlət şirkətləri beynəlxalq şirkətlərə icarəyə verilmiş köhnə gəmilərdən istifadə edirlər. Nəşr Hindistanın gəmiçilik və neft nazirliklərinin vəziyyəti dəyişmək istədiyini iddia edir.
Birinci mərhələdə 79 gəminin alınması nəzərdə tutulur ki, onlardan 30-u daha tez əldə edilməlidir. İlk 10 tankerin alınması üçün sifariş bu ay veriləcək. Xarici iştirakla da olsa, yalnız Hindistanda istehsal olunan gəmilər satış üçün nəzərdən keçiriləcək.
Qeyd edək ki, 2030-cu ilədək Hindistan yerli istehsal olan neft tankerlərinin payını 5%-dən 7%-dək artırmaq istəyir və 2047-ci ilədək onların payı 69%-ə çatmalıdır.
