Dənizçilik müəssisələrinə rəqəmsal keçid dövründə dəstək olmaq üçün yeni hazırlıq xidməti istifadəyə verilib
Böyük Britaniyanın "IWH Group" konsaltinq şirkəti kiçik və orta ölçülü dənizçilik müəssisələrinin rəqəmsal keçidini dəstəkləmək məqsədilə "Blue Future" xidmətini istifadəyə verib. Bu xidmət iri operatorların texnoloji investisiyaları artırdığı bir dövrdə, hələ də elektron cədvəllər və əl əməyinə əsaslanan iş proseslərindən asılı qalan KOB-lar (Kiçik və Orta Biznes) üçün nəzərdə tutulub.
“Seanews.az” xəbər verir ki, gəmi sahibləri, liman agentləri və sığorta şirkətləri üçün yaradılan platforma, mövcud sistemləri analiz edərək rəqəmsallaşma yolunda kommersiya baxımından səmərəli və praktiki "yol xəritəsi" təqdim edir.
"IWH Group"un icraçı direktoru Den Brayantın sözlərinə görə, sənayenin böyük hissəsini təşkil edən kiçik şirkətlər çox vaxt rəqəmsal transformasiyaya haradan başlayacaqlarını bilmirlər və bu da onlar üçün risk yaradır. "Blue Future" iri həcmli büdcələr tələb edən proqramlar yerinə, mərhələli və prioritetləşdirilmiş inkişaf planı təklif edərək müəssisələrə rəqəmsal mühitdə özünəinam qazanmağa kömək edir. Xidmət şirkətin layihə idarəçiliyi və səmərəliliyinin artırılması sahəsindəki mövcud təcrübəsinə əsaslanır.
