Nanşan limanı elmi-tədqiqat gəmiləri üçün bazaya çevrilib
İyunun sonunda “Tanso-1” elmi-tədqiqat gəmisi göyərtəsində “Fendouzhe” adlı dənizdə idarə olunan sualtı üzən vasitə ilə limana daxil olub.
“Seanews.az” xəbər verir ki, limanda daha üç tədqiqat gəmisi var: “Dyanke-1”, “Beydyao-996” və “Syanyanhun-18”.
TASS-ın qeyd etdiyi kimi, dörd elmi-tədqiqat gəminin hamısının eyni vaxtda limanda olması nadir haldır. "Dyanke-1" gəmisi heyət dəyişikliyini həyata keçirir, digər gəmilər təchizatla məşğul olur.
Sanyadakı Nanşan limanı digər belə obyektlərlə müqayisədə bir sıra üstünlüklərə malikdir. Ondan cəmi 164 km məsafədə dənizin dərinliyi təqribən 1000 metrdir ki, bu da tədqiqat gəmilərinə bir gün ərzində avadanlığı sınaqdan keçirmək və sazlamaq üçün əraziyə səfər etməyə imkan verir.
Hazırda Yaçjouvan körfəzindəki Nanşan limanında 264,3 metr uzunluğunda yanalma körpüsü tikilib ki, burada hər birinin uzunluğu 100 metr olan iki gəmi və ya uzunluğu 50 metr olan üç gəmi eyni vaxtda dayana bilər. Liman administrasiyasına altı tədqiqat gəmisinin eyni vaxtda qəbul edilməsi imkanının təmin edilməsi tapşırılıb.
