Rusiya Xəzərdə hərbi-dəniz paradı keçirəcək
Rusiya iyulun 26-da Xəzər dənizində ilk dəfə Hərbi Dəniz Qüvvələri Gününə həsr olunan hərbi-dəniz paradı keçirəcək.
Bu barədə Rusiya Müdafiə Nazirliyinin mətbuat xidməti məlumat verib.
Hərbi-dəniz paradına Rusiya Hərbi Dəniz Qüvvələrinin Xəzər flotiliyasının gəmiləri cəlb ediləcək.
Hazırda paradın keçiriləcəyi ərazilərdə hazırlıq işləri aparılır. Habelə Xəzər dənizində gəmilərin hərəkətinin naviqasiya parametrləri dəqiqləşdirilir, flotiliyanın hidroqrafik xidmətinin mütəxəssisləri gəmilərin barelə yerləşdirilmə nöqtələrini müəyyənləşdirirlər.
Məlumatda o da qeyd olunub ki, hərbi-dəniz paradında ümumilikdə 25-dən çox gəmi iştirak edəcək.
© Materiallardan istifadə edərkən hiperlinklə istinad olunmalıdır
