ADDA məzunu: “Bugün kağız uzərində çəkilən cizgilər sabah və illər boyu dövlətimizə xidmət edən gəmilərimiz olacaq”
www.seanews.az və ADDA-nın birgə layihəsi olan “ ADDA Məzunu”nda bu dəfə sizi “Azərbaycan Xəzər Dəniz Gəmiçiliyi” QSC-nin (ASCO) “Xəzərdənizlayihə ETİ”-nun mühəndis-konstruktoru Hacıyev Ramidlə tanış edirik.
Hacıyev Ramid 2010-cu ildə Azərbaycan Dövlət Dəniz Akademiyasına qəbul olub. Gəmiqayırma və Gəmi təmiri ixtsası üzrə təhsil alib.
2014-cü ildə ADDA-nın bakalavr təhsilini uğurla başa vurub.
2016-cı ildə ilk karyera addımlarını ASCO-nun Elmi Tədqiqat İnstitutunda mühəndis-konstruktorun assistenti kimi atmağa başlayıb. Müəyyən vaxt təcrübə qazandıqdan sonra, 2017-ci ildə 9-cu dərəcəli mühəndis vəzifəsində işini davam etdirib.
Hal-hazırda gövdə konstruksiya şöbəsinin 10-cu dərəcəli Mühəndis-konstruktor vəzifəsində çalışır.
Xidmət göstərdiyi bu müddət ərzində Xəzər Dəniz Neft Donanması üçün :
300kVt gücə malik olan təchizat katerinin, dənizin dərinliyi 60 metrə qədər olan sahələrdə işləmək üçün dalğıc katerinin və sahilyanı dəniz neft obyektlərinə işçiləri daşımaq üçün nəzərdə tutulan 70 nəfərlik sərnişin katerinin layihələndirmə işlərində iştirak edib.
Ramid Hacıyev: “Hər zaman gördüyüm işə diqqət və məsuliyyətlə yanaşıram. Bu gün kağızın üzərində çəkilən cizgilər–sabah və illər boyu dənizdə üzən və dövlətimizə xidmət edən gəmilərimiz olacaq.”
