Konteyner gəmisi qəzaya uğrayıb
LNG ilə çalışan “Containerships Arctic” konteyner gəmisi Almaniyanın Brunsbüttel şəhəri yaxınlığında Kil kanalının darvazasına çırpılıb.
“Seanews.az” xəbər verir ki, gəmi və darvaza ciddi zədələnib. Hadisə zamanı xəsarət alan olmayıb. Dənizə neftin dağılması barədə hələlik məlumat yoxdur.
Hazırda hadisə yerində araşdırma aparılır. İlkin versiyaya görə, qəzaya gəminin düzgün idarə edilməməsi səbəb olub.
Sözügedən gəmi 2019-cu ildə inşa edilib və tutumu 1.38 min TEU-dur.
© Materiallardan istifadə edərkən hiperlinklə istinad olunmalıdır
