Avropa limanlarında sərt qış şəraiti yükdaşıma tariflərinin artmasına səbəb olub
2026-cı ilin əvvəlində Avropanın əsas limanlarında güclü qar və şaxta liman əməliyyatlarını çətinləşdirib.
"Seanews.az" xəbər verir ki, bu vəziyyət yükdaşımaların planlaşdırılmasına təsir göstərib.
Məlumatlara görə, Hindistan–Avropa xətti üzrə konteyner daşıma tarifləri son həftələrdə 50–60 faiz artaraq 40 futluq konteyner üçün 750 ABŞ dollarından 1 200 ABŞ dollarına yüksəlib.
Qiymət artımı tələbin yüksəlməsi ilə deyil, daşıyıcı şirkətlərin reyslərin bir hissəsini planlı şəkildə ləğv etməsi və yük tutumunu azaltması ilə əlaqələndirilir.
Mütəxəssislər hesab edir ki, qış şəraiti müvəqqəti olsa da, mövcud vəziyyət 2026-cı ilin ilk aylarında yükdaşıma bazarında qiymət dalğalanmalarına səbəb ola bilər.
© Materiallardan istifadə edərkən hiperlinklə istinad olunmalıdır
