Portland konteyner terminalı üçün yeni operator tapılıb
Oreqon ştatının yeganə konteyner terminalı olan "Portland Terminal 6" yeni operatorla fəaliyyətini davam etdirəcək.
"" xəbər verir ki, Kaliforniyada yerləşən "Harbor Industrial Services" "Portland Terminal 6"-nın idarəsini öz üzərinə götürəcək.
Məlumata görə, bu şirkət 2014-cü ildən limanda fəaliyyət göstərir. Əvvəlcə kranlar və digər avadanlıqlara xidmət göstərib, sonradan isə yük boşaltma və yükləmə əməliyyatları ilə məşğul olan işçilər (stevedorlər) vasitəsilə liman əməliyyatlarında iştirak edib.
Əyalət tərəfindən verilmiş ilkin icarə müqaviləsi yeddi illikdir və əlavə dörd müddətli uzadılma seçimi mövcuddur. Liman həmçinin yeddi gəmi-kran və əlaqəli avadanlıqları "Harbor"-a 150,000 dollar qarşılığında satacaq.
"Portland Terminal 6" ötən il oktyabrın 1-dən müntəzəm gəmilərin xidmətini itirməsi və terminal operatorunun ayrılması səbəbindən fəaliyyətini dayandırmalı idi. Lakin qubernator Tina Kotek terminalın açıq qalması üçün ötən il 40 milyon dollar dövlət dəstəyi təklif etmişdi.
Manilanın "International Container Terminal Services, Inc." (ICTSI) şirkəti 2010-cu ildə Portlandla 25 illik müqavilə imzalamışdı, ilkin ödənişdən sonra ildə 4,5 milyon dollar ödəyirdi. 2017-ci ildə əsas müştəriləri olmadığı və "Terminal 6"-da əmək problemləri yarandığı üçün limandan çıxmışdı.
