Hedland limanından 560,9 milyon ton dəmir filizi ixrac edilib
2022-ci ildə Avstraliyanın Hedland limanının yük dövriyyəsi bir il əvvəlki ilə müqayisədə 2,6% artaraq 567,5 milyon tona çatıb.
Liman administrasiyasının məlumatına görə, bu müddət ərzində liman vasitəsilə 560,9 milyon tona yaxın dəmir filizi ixrac edilib.
Filiz əsasən Çinə göndərilib.
Hedland limanı Avstraliyanın dəmir filizinin ixrac olunduğu əsas yükaşırma müəssisəsidir. 2021-ci ildə limanın yük dövriyyəsi 2020-ci illə müqayisədə 1% artaraq 553 milyon tona çatıb.
“Seanews.az”
© Materiallardan istifadə edərkən hiperlinklə istinad olunmalıdır
