Hayfa limanı 1,15 milyard dollara satılıb
Hindistanın “Adani Group” şirkətinin rəhbərlik etdiyi konsorsium İsrailin şimalındakı Hayfa limanının 4 milyard şekel və ya 1,15 milyard dollara alınmasını başa çatdırıb.
Bu barədə “Reuters” agentliyi İsrail Maliyyə Nazirliyinin məlumatlarına istinadən xəbər verir. Nəşrin yazdığına görə, İsrailin əsas dəniz limanlarından birinin satışı proseduru beş il davam edib.
Bu, tənəzzülə uğrayan sektorda təxminən 20 illik islahatların əsas mərhələlərindən biri idi. Limanlar illərdir işçi tətillərindən əziyyət çəkir. İsrail indi xərcləri azaltmaq və gəmilərin boşaldılması üçün ortadan yuxarı gözləmə müddətini azaltmaq məqsədilə dövlətə məxsus limanlarını satır və yeni özəl limanlar tikir. İsrail iqtisadiyyatı üçün limanların səmərəliliyinin artırılması son dərəcə vacibdir, çünki bütün malların demək olar ki, 99%-i ölkədən dəniz yolu ilə idxal və ixrac olunur. Buna görə də limanların təkmilləşdirilməsinə ehtiyac var.
“Seanews.az”
