Rusiyalı dənizçi gəmidən yoxa çıxıb
Rusiyalı dənizçi Dəniz Xilasetmə Xidmətinin “Buran” gəmisindən Kalininqraddan Sankt-Peterburqun Böyük limanına keçid zamanı izsiz yoxa çıxıb.
“Seanews.az”-ın məlumatına görə, bu barədə “Mash on the Moika” Telegram kanalı yazır.
Hadisə barədə gəminin kapitanı məlumat verib. Onun sözlərinə görə, 33 yaşlı matros azı on il dənizdə işləyib, lakin bu marşrutda özünü qəribə aparıb.
Digər heyət üzvlərinin dediyinə görə, dənizçi qeyri-sabit emosional vəziyyətdə olub və hallüsinasiyalardan şikayətlənib.
Ehtimallara görə, matros Qdansk körfəzindəki Baltiysk vilayətində yoxa çıxıb, onun itmə şəraiti məlum deyil.
© Materiallardan istifadə edərkən hiperlinklə istinad olunmalıdır
