Türkiyənin "Astoria Grande” kruiz layneri ilk dəfə 2022-ci il iyulun 16-da Soçidən yola düşəcək
Türkiyənin “Miray Cruises” şirkətinin “Astoria Grande” kruiz layneri ilk dəfə 2022-ci il iyulun 16-da Soçidən yola düşəcək. Turistlər Türkiyənin İstanbul (Qalata limanı kruiz terminalı), Çeşmə, Sinop, Trabzon şəhərlərini və Egey dənizindəki Bozcaada (Tenedos) adasını ziyarət edəcəklər.
“Seanews.az” xəbər verir ki, sərnişinlərin rahatlığı üçün laynerin göyərtəsində “MIR” kartları qəbul edilir. Tur üçün ödəniş edərkən rublla istənilən məbləğə depozit qoya bilərlər.
“Astoria Grande” layneri hər şənbə Soçi limanından çıxır və yolda yeddi gecə keçirir. Ruslar 2022-ci ilin iyulundan oktyabr ayına qədər istənilən əlverişli tarixi bron edə biləcəklər.
Qeyd etmək lazımdır ki, hər həftə kruiz proqramı əvvəlkindən fərqli olacaq. Bu, turistlərə günəşli və mehriban Türkiyənin bütün müxtəlif kurortlarını hiss edərək tam istirahətdən həzz almaq üçün 14 günlük kruiz fürsəti əldə etməyə imkan verəcək.
