“MacGregor” ixtisaslaşmış gəmilər üçün avadanlıq tədarük edəcək
“MacGregor” minik və yük maşınlarını daşıyan dörd ixtisaslaşdırılmış PCTC tipli gəmi üçün avadanlıqlar tədarük edəcək.
“Seanews.az”-ın məlumatına görə,Cənubi Koreyanın “H-Line Shipping” şirkəti üçün nəzərdə tutulan gəmilər “Guangzhou Shipyard International Co., Ltd” tərəfindən tikiləcək.
Qrafikə əsasən, gəmilər 2024-cü ilin ikinci rübündən 2025-ci ilin ikinci rübünə kimi sifarişçiyə təhvil veriləcək.
Dörd PCTC gəmisi “Ro-Ro” gəmilərinə xidmət göstərmək üçün tam elektrik avadanlıqları ilə təchiz edilmişdir: arxa, yan, daxili daşınan rampalar və keçidlər üçün qapılar. Sifariş, həmçinin, rampa tutumunu artırmağa və beləliklə, daha ağır layihə yüklərini daşımaq üçün daha çox çevikliyə imkan verən “MacGregor” yük idarəetmə sistemini əhatə edir. Müqavilənin şərtlərinə əsasən, “MacGregor” mühəndislik və quraşdırma yardımı göstərəcək.
“MacGregor” (“Cargotec” Korporasiyasına daxildir) dəniz sənayesi üçün müxtəlif sistemlərin istehsalında ixtisaslaşmışdır. Şirkətin əsas brendləri bunlardır: “MacGregor”, “Hatlapa”, “Porsgrunn”, “Pusnes”, “Rapp”, “Triplex” və “TTS”. “Cargotec”-də 11,5 min işçi çalışır.
