Vahid dəniz sığorta klubu yaradılır
“North” və “Standard Club” dəniz sığortaçılarının iki assosiasiyasının üzvləri “NorthStandard” vahid dəniz sığorta şirkəti yaratmaq üçün keçirilən yığıncaqlarda birləşməni böyük səs çoxluğu ilə təsdiqləyiblər.
“Seanews.az” xəbər verir ki, dənizdə Qarşılıqlı Sığorta Klublarının üzvlərinin təsdiqi 20 fevral 2023-cü il tarixinə qədər “NorthStandard”-ı vahid klub kimi yaratmağa imkan verir. Amma birləşmə müqaviləsi müvafiq tənzimləyici orqanlar tərəfindən rəsmi təsdiq edilməlidir.
Dəniz sığortaçılarının iki klubu indi gəmi sahibləri üçün üstünlüklərlə nəticələnəcək və beynəlxalq dəniz qarşılıqlı sığorta bazarında rəqabəti təşviq edəcək inteqrasiya strategiyasının həyata keçirilməsinə diqqət yetirəcək.
© Materiallardan istifadə edərkən hiperlinklə istinad olunmalıdır
