Səudiyyə Ərəbistanının Milli Gəmiçilik Şirkətinə yeni baş direktor təyin edilib
Əhməd Əli Alsubayı Səudiyyə Ərəbistanının Milli Gəmiçilik Şirkəti “Bahri”yə yeni baş direktor təyin edilib. O, vəzifəsinin icrasına gələn il aprelin 1-dən başlayacaq.
"Seanews.az”-ın məlumatına görə, A.Alsubay ABŞ-ın Stenford Universitetində MBA dərəcəsi alıb. Əvvəllər Cənubi Koreyanın “S-Oil” şirkətində baş direktor və “Saudi ARAMCO”-da müxtəlif yüksək vəzifələrdə, o cümlədən marketinq, satış və təchizat planlaması üzrə vitse-prezident vəzifələrində çalışıb.
O, bu vəzifədə karyerasını başqa şirkətdə davam etdirəcək Abdullah Əli Aldubayhi əvəz edəcək.
“Bahri”-nin donanmasına 90 gəmi daxildir. Şirkət 42 iritonnajlı və 23 kimyəvi yüklər daşıyan tankerləri, 10 ərzaq məhsulları daşıyan gəmini, 9 teploxodu və 6 ədəd ”RO-RO”-nu idarə edir.
© Materiallardan istifadə edərkən hiperlinklə istinad olunmalıdır
