Xəzər hərbi-dəniz donanması Həştərxandan Mahaçqala və Kaspiyskə köçürülür
“Seanews.az”-ın məlumatına görə, Rusiyanın Xəzər hərbi-dəniz donanmasının əsas və köməkçi qüvvələri Həştərxandan Mahaçqala və Kaspiyskə köçürülür.
Bunu Rusiya Federasiyası Müdafiə nazirinin müavini Timur İvanov "Ordu-2021" beynəlxalq hərbi-texniki forumunda "Zvezda" telekanalına müsahibəsində bildirib.
Timur İvanov deyib ki, "Xəzər donanmasının Həştərxandan birbaşa hərbi hissələrimizin yerləşdiyi Mahaçqala və Kaspiyskə köçürülməsi qərara alınmışdı. İş iki mərhələyə bölünmüşdü, əvvəlcə birinci mərhələ tikildi və bütün köməkçi gəmilər köçürüldü və indi bütün əsas gəmilər artıq oradadır".
Gələcəkdə hərbçiləri təmin etmək üçün bütün lazımi sahil infrastrukturu yaradılacaq.
© Materiallardan istifadə edərkən hiperlinklə istinad olunmalıdır
