BSM metanol bunkerləmə üzrə ilk simulyatorunu istifadəyə verdi
Bernhard Schulte Shipmanagement (BSM) Hindistanın Kochi şəhərində yerləşən təlim mərkəzində ilk metanol bunkerləmə simulyatorunu istifadəyə verib. Layihə Wärtsilä şirkəti ilə əməkdaşlıq çərçivəsində həyata keçirilib.
Simulyator dənizçilərə alternativ yanacaqla təhlükəsiz işləmək bacarığı qazandıracaq. BSM yaxın illərdə ammonyak və LNG yanacaq növləri üzrə də təlim imkanlarını genişləndirməyi planlaşdırır. 2025-ci ilin sonuna qədər Polşa və Filippində daha iki simulyatorun istifadəyə verilməsi nəzərdə tutulur.
Şirkət bu təşəbbüslə aşağı karbonlu gələcək üçün kadr hazırlığını gücləndirməyi və yeni nəsil yanacaq texnologiyalarına keçidi sürətləndirməyi hədəfləyir.
© Materiallardan istifadə edərkən hiperlinklə istinad olunmalıdır
