ADDA-da təkrar ali təhsilə sənəd qəbulunun vaxtı uzadılıb
“Azərbaycan Xəzər Dəniz Gəmiçiliyi” QSC-nin (ASCO) Azərbaycan Dövlət Dəniz Akademiyasinda təkrar ali təhsil almaq istəyənlər üçün sənəd qəbulunun vaxtı uzadılıb. Xatırladırıq ki, 2021/2022-ci tədris ilində aşağıdakı ixtisaslar üzrə ödənişli əsaslarla qiyabi formada təkrar ali təhsil almaq üçün sənəd qəbulu elan edir:
050605 – Dəniz naviqasiyası mühəndisliyi
050607 – Elektrik və elektronika mühəndisliyi
050609 – Gəmi energetik qurğularının istismarı mühəndisliyi
050610 – Gəmiqayırma və gəmi təmiri mühəndisliyi
Təhsilini uğurla bitirən məzunlara Akademiya hesabına aşağıdakı sertifikatlar
veriləcək:
Bütün ixtisaslar üçün :
1. “Gəminin mühafizəsi üzrə ümumi hazırlıq və təlimat”
2. “Əmniyyətli İdarəetmə haqqında Beynəlxalq Məcəllə” (sıravi heyət üçün)
3. “Bütün dənizçilər üçün təhlükəsizlik üzrə tanışlıq, ilkin hazırlıq və təlimat”
“Dəniz naviqasiyası mühəndisliyi” ixtisası üçün :
1. “Elektron Xəritə Displeyinin və İnformasiya Sistemlərinin İstismar Qaydaları”
2. “Radar, avtomatik radar müşahidə vasitələri, kapitan körpüsü komandası və axtarış-xilasetmə” (istismar səviyyəsində)
3. “Qlobal Dəniz Fəlakət və Əmniyyətli Rabitə Sisteminin Ümumi Rayon Operatoru”
Uyğun ixtisaslarda oxuyanlara “növbə matrosu”, “növbə elektromexaniki”, “növbə motorçusu” sertifikatı da verilir.
Təkrar ali təhsilə sənədlərin qəbulu 2021-ci ilin avqust ayının 20-dək uzadılıb.
Sənədlərin qəbulu Akademiyanın əsas binasında aparılır. Qəbul olmaq istəyənlər aşağıdakı sənədləri rəsmi və ya elektron qaydada təqdim edir və müvafiq tələblərə cavab verdikləri halda təkrar ali təhsil almaq hüququnu qazanırlar:
Rektorun adına ərizə;
Ali təhsil haqqında sənədin (diplomun) notarial qaydada təsdiqlənmiş surəti (diploma əlavə ilə birlikdə);
İş yerindən arayış (işlədiyi halda);
3x4 sm ölçüdə 6 ədəd rəngli fotoşəkil;
Şəxsiyyət vəsiqəsinin surəti;
Sağlamlıq haqqında arayış.
QEYD: Bütün ixtisaslar üzrə illik təhsil haqqı 3800 AZN-dır.
1993-cü ildən sonra xarici ölkələrdə ali təhsil almış şəxslər yalnız diplomları mövcud qaydada Azərbaycan Respublikası Təhsil Nazirliyi tərəfindən tanındıqdan sonra Akademiyada təkrar ali təhsil ala bilərlər.
Dövlət və özəl ali təhsil müəssisələrinin məzunları Azərbaycan Respublikası Nazirlər Kabinetinin 6 sentyabr 2010-cu il tarixli 163 nömrəli qərarı ilə təsdiq edilmiş “Əlavə təhsilin məzmunu, təşkili və əlavə təhsilin hər hansı istiqaməti üzrə təhsil almış şəxslərə müvafiq sənədin verilməsi Qaydası”na uyğun olaraq, ilkin baza təhsil proqramı ilə yenidən əldə ediləcək ixtisasın baza təhsil proqramı arasındakı fərqin bir tədris ilinə hesablanmış saatdan çox olmaması şərtilə təkrar ali təhsil ala bilərlər.
Ünvan: AZ1000, Azərbaycan Respublikası, Bakı şəhəri, Zərifə Əliyeva küç., 18
Tel.: (+99412) 498-73-94
E-mail: akademiya@acsc.az ; asadulla.suleymanov@asco.az
