opa İttifaqı birdəfəlik plastik qablara qadağa qoymağa hazırla
Avropa Komissiyası sahillərdə və dənizlərdə istifadə olunan plastikdən hazırlanmış birdəfəlik qabların bəzilərinə qadağa qoymağı və faktik olaraq, təkrar emalı mümkün olmayan plastik tullantılara görə Avropa İttifaqına üzv ölkələri cərimələməyi planlaşdırır. Avropa Komissiyası bu barədə təkliflər paketini ictiamiyyətə təqdim edib. Sənəd layihəsinə əsasən, qadağa plastikdən olan birdəfəlik qablara aid edilməlidir. Söhbət əsasən birdəfəlik qablar, masaüstü dəstlər, içki üçün boruşəkilli çöplər, pambıq çöplər və hava şarları üçün plastik bərkitmələrdən gedir. Bundan başqa, qəlyanaltıxanalardan alınıb aparılan qidalar üçün plastik qablaşdırmaların istifadəsini məhdudlaşdırmaq da planlaşdırılır. Bu qabların alternativini asanlıqla və münasib qiymətə əldə etmək mümkündür.