Gəmidə yaranmış texniki nasazlıq səbəbindən ekspedisiya təxirə salınıb
"Schmidt Ocean Institute"-un (SOI) "Falkor" (Too) tədqiqat gəmisinin Uruqvay ekspedisiyası avadanlıq nasazlığı səbəbindən təxirə salınıb.
"Seanews.az" xəbər verir ki, gəmi artıq Montevideodan “Uruqvay sahillərində dərinliklərin vizuallaşdırılması” adlı ekspedisiyaya yola çıxmışdı. Lakin səfərin ilk günlərində gəmidəki "A-frame" avadanlığı sıradan çıxdığından limana qayıtmağa məcbur olub.
SOI-nin açıqlamasında bildirilib ki, "A-frame" qaldırılarkən qəfil dayanıb. Hadisə nəticəsində xəsarət alan olmayıb.
İnstitut bu halı “çox nadir” hadisə kimi qiymətləndirib.
SOI layihə koordinatoru Leticia Burone qeyd edib ki, "A-frame" kritik avadanlıq hesab olunur və onun istifadəsi təxirə salınan ekspedisiyanın 32 tədqiqat nöqtəsindən ən azı birində nəzərdə tutulmuşdu.
İnstitutun məlumatına görə, "Falko"r (Too) Montevideoya qayıtdıqdan sonra "A-frame"-in təmiri planlaşdırılır.
