Gəmiçilik sahəsində baş verən ən son hadisələrdən anında xəbərdar olmaq üçün bizi izləyin

OK

X

  • Bakı, 2024-02-21,
Seanews
Heyder Eliyev

Qazaxıstanda elmi-tədqiqat Xəzər dənizi institutu yaradılacaq

Qazaxıstanda Xəzər dənizinin ekoloji problemlərinin araşdırılması üçün elmi-tədqiqat institutu yaradılacaq.

AZƏRTAC xəbər verir ki, bu barədə Qazaxıstanın Su və İrriqasiya Sərvətləri Nazirliyinin mətbuat xidməti məlumat yayıb. Nazirlik elmi-tədqiqat institutunun yaradılması haqqında qərar layihəsi hazırlayıb.

İnstitut Xəzər dənizinin ekoloji problemlərini, dəniz səviyyəsinin aşağı düşməsini, suitilərin və balıqların kütləvi tələf olmasını, Xəzər suitisinin populyasiyasının qorunmasını, ixtiofaunanı, akvatoriyanı və dəniz sahilini araşdıracaq. Digər Xəzəryanı dövlətlərdən olan həmkarlarla sıx qarşılıqlı əlaqənin təmin edilməsi institutun daha bir istiqaməti olacaq.

Bundan başqa, institut Xəzər dənizinin ekoloji sisteminin bütün istiqamətlər üzrə müstəqil və obyektiv informasiyasını təqdim edəcək. Əldə olunan məlumatlar dövlətlər və yerli icra orqanları tərəfindən kompleks tədbirlərin görülməsi üçün əsas kimi götürülə biləcək. Elmi təşkilatın yaradılması, həmçinin Xəzər dənizinin qorunması üzrə milli və beynəlxalq öhdəlikləri tam həcmdə icra etməyə imkan verəcək.


© Materiallardan istifadə edərkən hiperlinklə istinad olunmalıdır