Gəmilər üçün ammonyakla işləyən mühərriklər hazırlanacaq
İsveçrə istehsalçısı “WinGD” Cənubi Koreyanın “KSS Line” gəmiçilik şirkəti ilə niyyət müqaviləsi imzalayıb. Tərəflər gələcəkdə gəmilərdə ammonyakla işləyən iki yanacaqlı mühərriklərin quraşdırılması barədə razılığa gəliblər.
“Seanews.az” xəbər verir ki, “WinGD”-in mühəndisləri qaz daşıyıcıları (VLGC) üçün uyğun iki yanacaqlı ammonyak mühərriklərinin yaradılmasına diqqət yetirəcəklər. Birgə layihənin digər məqsədi yanacaq səmərəliliyinin dəqiq tənzimlənməsini və mütəxəssislərin 24/7 dəstəyini təmin edən inteqrasiya olunmuş rəqəmsal proqramdan (WiDE) istifadə edərək belə mühərriklərin işini yaxşılaşdırmaqdır.
Müqavilənin şərtlərinə əsasən, “WinGD” yeni mühərrikləri olan gəmilərdə işləmək üçün “KSS Line” gəmilərinin heyətlərini hazırlamağı öhdəsinə götürür. İsveçrə şirkəti donanma heyətlər üçün təkmil təlim proqramını işləyib hazırlamışdır. 2023-cü ilin sonuna qədər “WinGD” Winterthur və Şanxaydakı tədqiqat laboratoriyalarında tək və çox silindrli mühərriklərin konseptual sınaqlarına başlamalıdır.
CSSC” şirkətlər qrupuna daxil olan “Winterthur Gas & Diesel” (“WinGD”, Winterthur) ərzaq məhsulları daşıyan tankerlər, balkerlər, avtomobil daşıyıcıları, konteyner gəmiləri və ümumi yük gəmiləri üçün qaz və dizel mühərriklərin yaradıcısıdır. Şirkət öz tədqiqat və təkmilləşdirmə mərkəzində (“Swiss Diesel Tecnology Centre”) elmi-tədqiqat işləri aparır. “
