Türkiyəyə üzən istilik elektrik stansiyası sifariş ediləcək
Tikilməkdə olan “Arktika LNG-2” zavodunun enerji təchizatı Türkiyənin “Karpowership” şirkətinin istehsalı olan üzən elektrik stansiyası vasitəsilə təmin ediləcək.
“Kommersant” belə iddia edir.
Qəzet yazır ki, “Novatek” “Karpowership”-ə 300-400 MVt gücündə üzən istilik elektrik stansiyası sifariş edəcək. Barjda qaz porşenli mühərriklər quraşdırılacaq.
Lakin mənbə onun tikilmə vaxtını deyə bilməyib, çox güman ki, eyni enerji təchizatı variantı LNG zavodunun ikinci və üçüncü xətləri üçün də qəbul ediləcək.
Amerikanın “Baker Hughes” şirkəti Rusiyanın bütün LNG layihələrinə, o cümlədən “Arktika LNG-2”-yə qazın mayeləşdirilməsi və elektrik təchizatı xətləri üçün zəruri olan LM9000 qaz turbinlərinin verilməsindən imtina edib.
“Novatek” Avropa şirkətləri “sanksiya riskləri səbəbindən” işləri dayandırdıqlarından “Arktika LNG-2” platformalarının həyata keçirilməsi üçün podratçıları dəyişmək niyyətindədir.
