Yapon dənizinin 3000 metr dərinliyində yatan "Vostok" gəmisinin qəzaya uğramasının səbəbləri tam araşdırılıb
Rusiyanın "Vostok" balıqçı gəmisinin 2018-ci ildə qəzaya uğraması ilə bağlı cinayət işinin istintaqı yekunlaşıb. Bu barədə İstintaq Komitəsinin rəsmi nümayəndəsi Svetlana Petrenko jurnalistlərə açıqlamasında bildirib.
“Seanews.az” xəbər verir ki, istintaqa görə, təqsirləndirilən şəxs – “DV-Flot” MMC-nin dəniz üzgüçülüyünün təhlükəsizliyi üzrə direktor müavini Andrey Kloçkov “Vostok” balıqçı gəmisinin heyətini potensial qəza vəziyyətlərində necə hərəkət etməyə hazırlamayıb. Praktiki bacarığı və gəminin salamatlığı üçün mübarizəyə hazır olmayan heyətlə “Vostok”un Koreya Respublikasının Donhe limanından Saxalin vilayətinin Xolmsk limanına səfərə çıxmasına icazə verib. Bundan əlavə, üzgüçülüyün təhlükəsizliyi üzrə direktor müavininin Yapon dənizində - gəminin hərəkət marşrutu bölgəsində əlverişsiz hava şəraiti haqqında məlumatı olub, lakin “Vostok”un heyətini vaxtında və tam məlumatlandırmayıb. Nəticədə, 2018-ci il yanvarın 25-də Vladivostok vaxtı ilə səhər saat beşdə fırtınanın ağuşunda dayanıqlığını itirən balıqçı gəmisi Yapon dənizinin təxminən 3000 metr dərinliyində batıb. Gəmini tərk etmək imkansızlığı şəraitində 20 heyət üzvü də həyatını itirib.
