Türkiyədə ətraf mühitin çirkləndirilməsinə görə olan cərimələr artırılır
Türkiyədə gəmilərin ətraf mühiti çirkləndirməsinə görə təyin olunmuş cərimələrin miqdarı 2021-ci il yanvarın 1-dən 9.11% artırılıb.
“Seanews.az” xəbər verir ki, bu cərimələr yük və hərbi-dəniz gəmilərinin neft və neft tullantıları, qatı tullantılar, məişət tullantı suları nəticəsində yaratdığı çirklənməyə aiddir.
Cərimənin hazırki məbləği 661.95 türk lirəsi və ya 88.82 ABŞ dollarıdır.
Çirkləndirmə hadisəsini törədən gəminin kapitanına cinayət işi açılacaq. Məhkəmə davam edənə qədər gəmiyə həbs də qoyula bilər.
Gəmi sahibi cərimə barədə bildiriş göndərildiyi gündən 30 gün müddətində İnzibati Məhkəməyə müraciət etmək hüququna malikdir.
© Materiallardan istifadə edərkən hiperlinklə istinad olunmalıdır
