Britaniyaya məxsus atom sualtı gəmisinin 35 dənizçisi koronavirusa yoluxub
Britaniyanın “HMS Vigilant” atom sualtı qayığının 35 dənizçisi koronavirusa yoluxub.
Sualtı qayıq “Trident II” sualtı ballistik raketini təmir etmək üçün ABŞ sahillərinə çıxıb. Lakin Corciyada yerləşən HDQ bazasında qalma əmrinə məhəl qoymayaraq, heyət üzvlərindən bəziləri barlara və klublara gediblər, narkotik istifadə ediblər. Bir neçə dənizçi isə hətta Florida ştatındakı Kokoa çimərliyində (bazadan 600 kilometr məsafədə) olublar. Bu gəzintilər isə heyət üzvlərinin bəzilərinin COVİD-19-a yoluxması ilə nəticələnib.
Yoluxanlar arasında gəmidəki həkim və nüvə silahı buraxma kodunu bilən iki heyət üzvündən biri olan baş zabit də var.
© Materiallardan istifadə edərkən hiperlinklə istinad olunmalıdır
