Türkiyə Qara dənizdə ilk dəfə geoloji kəşfiyyat işlərinə başlayıb
Türkiyənin "Fatih" qazma gəmisi Qara dənizdə ilk dəfə olaraq geoloji kəşfiyyat işlərinə start verib.
"APA-Economics"in məlumatına görə, bunu Türkiyənin Enerji və Təbii Sərvətlər naziri Fatih Dönmez "Twitter" səhifəsində yazıb.
Nazir qeyd edib ki, "Fatih" Türkiyə xalqının dəstəyi ilə Qara dənizdəki "Tuna-1" sahəsində qazma işlərinə başlayıb: "Enerji müstəqilliyinə nail olmaq üçün dənizlərimizin hər kvadrat metrində işlər aparılacaq. Orada bir şey varsa, mütləq tapacağıq".
Xatırladaq ki, bundan öncə "Fatih" gəmisinin Qara dənizdə geoloji kəşfiyyat işlərinə iyulun 15-də başlayacağı gözlənilirdi.
© Materiallardan istifadə edərkən hiperlinklə istinad olunmalıdır