Virusa yoluxmuş işçiləri karantinə almaq üçün Murmanska gəmi-bərə gəlib
“Şahzadə Anastasiya” gəmi-bərəsi koronavirus xəstəliyinə yoluxmuş işçilər üçün Murmansk şəhərinin Belokamenka əyalətinə gəlib. Tikintidə çalışan işçilər koronavirusun yayılma sürətini minimuma endirmək üçün gəmi-bərəyə yerləşdiriləcəklər.
"Seanews.az" xəbər verir ki, bərə günün birinci yarısında Kol körfəzinin Mişukovo bölgəsindəki Kulonq dayanacağında lövbərdə dayanıb.
Murmansk yaxınlığındakı Belokamenka əyalətində “Novateka” podratçı təşkilatları, o cümlədən “Velesstroy” şirkəti böyük dəniz qurğularının inşası üçün mərkəz tikir. Tikinti işlərinə ümumilikdə 11 min işçi cəlb olunub. Bu tikintidə 1694 nəfərdə virusa yoluxma halı qeydə alınıb.
Peterburq- Helsinki marşrutu üzrə hərəkət edən “Şahzadə Anastasiya” gəmi-bərəsi martın ortalarında virusun yayılmasının qarşısını almaq üçün lazımi sanitar avadanlıqla təchiz edilmişdi.
