“ICTSI” terminallarında konteyner dövriyyəsi keçən ilin eyni dövrü ilə müqayisədə 2% artıb
Filippin terminal operatoru “International Container Terminal Services”-in (“ICTSI”) 2024-cü ilin yanvar-sentyabr ayları üçün xalis mənfəəti keçən ilin eyni dövrü ilə müqayisədə 31% artaraq 632,58 milyon dollar təşkil edib.
“Seanews.az” xəbər verir ki, liman əməliyyatlarından əldə edilən gəlir 14% artaraq 2 milyard dollar, EBITDA 19% artaraq 1,3 milyard ABŞ dolları olub.
O cümlədən, üçüncü rübdə xalis mənfəət 212 milyon dollar (+24%), liman əməliyyatlarından əldə edilən gəlir 691,7 milyon dollar (+16%), EBITDA — 451,5 milyon dollar (+19%) təşkil edib.
2024-cü ilin yanvar-sentyabr aylarında “ICTSI” terminallarında konteyner dövriyyəsi keçən ilin eyni dövrü ilə müqayisədə 2% artaraq 9,6 milyon TEU-dan çox olub, üçüncü rübdə artım 4% - demək olar ki, 3,3 milyon TEU təşkil edib.
“International Container Terminal Services” (“ICTSI”) şirkətlər qrupu 1988-ci ildə Manilada (Filippin) yaradılmışdır. Şirkət beynəlxalq limanların idarə edilməsi, inkişafı və istismarı ilə məşğul olan müstəqil konteyner terminalı operatorudur. “ICTSI” hazırda altı qitənin 20 ölkəsində 33 konteyner terminalını idarə edir.
