ölkə arasında tranzit əməkdaşlığı barədə razılaşma imzala
İran, Hindistan və Əfqanıstan tranzit məkdaşlığı ilə bağlı anlaşma memorandumu imzalayıb. “Seanews.az” xəbər verir ki, Tehranda baş tutan toplantıya İran Dəniz və Liman Əməliyyatları İdarəsinin Baş direktoru Məhəmməd Rastad, Əfqanıstan Nəqliyyat nazirinin müavini İmaməddin Verimac və Hindistan xarici işlər nazirinin müavini Tiru Murti qatılıb. İran Dəniz və Liman Əməliyyatları İdarəsinin baş direktoru Məhəmməd Rastad bildirib ki, Çabahar Limanı sayəsində xarici bazarlara çıxış əldə olunacaq və gələcəkdə bu koridora digər ölkələr də cəlb ediləcək. O, Çabahar tranzit dəhlizinin, Hind okeanı sahillərindəki ölkələri Mərkəzi Asiya və Əfqanıstana birləşdirdiyini ifadə edərək, bunun Çin və Pakistan arasındakı Guadir İqtisadi Dəhlizinin tamamlayıcısı olduğunu söyləyib. Türkiyənin nəqliyyat nazirinin müavini Ulasac qeyd edib ki, üç ölkənin investisiya və əməkdaşlığı mühümdür. Bu, Çabahar dəhlizinin imkanlarını daha da artıracaq. Hindistandan Xarici İşlər Nazirinin müavini Murti isə yük və sərnişin daşınmalarını asanlaşdırmağı hədəflədiklərini və üç ölkə tərəfindən atılan addımın bu sahədə çox əhəmiyyətli olduğunu bildirib.
