Gəmiçilik sahəsində baş verən ən son hadisələrdən anında xəbərdar olmaq üçün bizi izləyin

OK

X

  • Bakı, 2024-04-14,
Seanews
Heyder Eliyev

“MOL” gəmiçilik şirkəti martın sonunadək Süveyş kanalı ilə səfərlər planlaşdırmır

Yaponiyanın gəmiçilik şirkəti “Mitsui O.S.K. Lines” (“MOL”) ən azı 2024-cü ilin mart ayının sonunadək Süveyş kanalı ilə səfərlər planlaşdırmır.

“Seanews.az” xəbər verir ki, bu barədə şirkətin maliyyə direktoru Hisaşi Umemura investorlarla keçirdiyi görüş zamanı bildirib.

“Mən başa düşməyinizi istərdim ki, Qırmızı dənizdəki vəziyyətlə əlaqədar daşıma tariflərinin hazırda artmasına baxmayaraq, Ümid burnu marşrutunun dəyişdirilməsi xərclərini əvvəlcədən ödəməliyik. Gələcəkdə, daşıma tariflərində artım dördüncü rübdəki performansımıza təsir edəcək. Hazırkı ehtimal odur ki, konteyner gəmisi martın sonuna qədər Süveyş kanalından keçə bilməyəcək. Biznes göstəricilərinin Qırmızı dənizdəki vəziyyətdən asılı olaraq dəyişəcəyi gözlənilir. Çünki bu məsələnin nə vaxt həll olunacağını müəyyən etmək kifayət qədər çətindir”, – deyə şirkətin nümayəndəsi söyləyib.

Xatırladaq ki, Qırmızı dənizdən keçən ticarət gəmilərinə hücumlar səbəbindən Süveyş kanalı ilə səfərlər təhlükəlidir.

“Mitsui O.S.K. Lines” şirkətinin hazırkı donanmasına ümumi dedveyti 54,7 milyon ton olan müxtəlif təyinatlı 800-ə yaxın gəmi daxildir.


© Materiallardan istifadə edərkən hiperlinklə istinad olunmalıdır