Pakistan “Cinnah” sinifli freqatın tikintisinə başlayır
Pakistanın Müdafiə Sənayesi Nazirliyi ölkənin Hərbi Dəniz Qüvvələri üçün “Cinnah” sinifli ilk freqatın tikintisinə dair müqavilə imzalayıb.
“Caliber.Az” bu barədə “Defence Turk”-ə istinadən xəbər verir.
Bu freqatlar “Cinnah” sinfindən Pakistanda layihələndirilən və tikilən ilk gəmilər olacaq. Onların layihələndirilməsi Türkiyənin baş podratçısı “PN MİLGEM” olan “ASFAT”-ın rəhbərliyi ilə həyata keçirilib.
“Cinnah” sinfinə aid freqatlar hava, yerüstü, sualtı və asimmetrik təhlükələrdən müdafiə oluna biləcək. Bundan əlavə, gəmi axtarış-xilasetmə missiyalarını yerinə yetirmək üçün təchiz ediləcək və layihələndiriləcək. Personalı 200 nəfər olacaq freqatlar “CODAD” tipli əsas mühərriklərlə təchiz ediləcək.
© Materiallardan istifadə edərkən hiperlinklə istinad olunmalıdır
