Britaniya şirkətinə məxsus kruiz gəmisi Mayorkada neft tankerinə çırpılıb
Mayorkada fırtına “Britannia” kruiz gəmisinin “Castillo de Arteaga” neft tankeri ilə toqquşmasına səbəb olub.
"Seanews.az" xəbər verir ki, bazar günü Palma-de-Malyorka limanında güclü külək layneri yerindən qoparıb və tankerin dayandığı körpünün o biri ucuna sürükləyib.
Gəmilərin ilk yoxlamaları göstərib ki, tanker zədələnib, lakin yanacaq sızması olmayıb. Başqa hansı zərərin vurulduğunu müəyyən etmək üçün heyətlərə vaxt lazımdır.
Liman administrasiyasının məlumatına görə, tam təftişi başa çatana qədər laynerin marşrut üzrə hərəkəti dayandırıb.
© Materiallardan istifadə edərkən hiperlinklə istinad olunmalıdır
