Cənubi Koreyanın STX şirkəti yeni xidmətini istifadəyə verib
Cənubi Koreyanın STX şirkəti “STX Green Logis” adlı yeni xidmətini istifadəyə verib.
“Seanews.az” xəbər verir ki, STX əsas diqqətini xammalın, o cümlədən akkumulyator materiallarının ticarətinə yönəldəcək, "STX Green Logis" isə nəqliyyat və logistika işləri ilə məşğul olacaq.
Qeyd edək ki, STX 10 il əvvəl sürətlə inkişaf edən gəmiçilik şirkətlərindən biri sayılırdı. Şirkətin tərkibində “Harim Group”un idarəçiliyində olan “Pan Ocean” adlı xətt, eyni zamanda gəmiqayırma zavodları mövcud idi. İqtisadi problemlər səbəbindən son dövrlər STX-in fəaliyyətində durğunluq müşahidə olunurdu.
Mütəxəssislər bildirirlər ki, son addımlarla şirkət sektorda yenidən söz sahibinə çevrilə bilər.
© Materiallardan istifadə edərkən hiperlinklə istinad olunmalıdır
