Suveyş Kanalında tankerlə toqquşma nəticəsində batan yedək gəmisi suyun dibindən çıxarılıb
Misirin Suveyş Kanalında “Fahd” adlı yedək gəmisi Hong Konga məxsus “Chinagas Legend” neft tankeri ilə toqquşub.
“Seanews.az” xəbər verir ki, hadisə nəticəsində "Fahd" batıb. Onun xilasedilməsi məqsədilə əraziyə kran gəmisi cəlb olunub. Yedək gəmisi uğurla suyun dibindən çıxarılıb.
Toqquşma zamanı yedək gəmisində olan heyət üzvlərindən bir nəfər itkin düşüb, 6 nəfər isə xilas edilib.
Hazırda itkin düşən şəxsin axtarışları aparılır.
© Materiallardan istifadə edərkən hiperlinklə istinad olunmalıdır
