100 yaşlı Norveç gəmi brokeri müflis olub
“Lorentzen & Co.” Norveçdə tanınmış gəmi sahibləri ailəsinin dörd qardaşı tərəfindən təsis edilmişdir. Brokerin fəaliyyəti quru yük sahəsinə yönəlsə də, şirkət digər sektorlarda da işləyirdi. Son illərdə “Lorentzen & Co.” zərərlə işləyirdi və 2022-ci ildə işçilərini ixtisar etdi.
"Seanews.az" xəbər verir ki, şirkət hazırda Lorenzen ailəsinin nəslindən olan Christine Teidemand Eckhoff-a məxsusdur. "O, Lorentzen & Co.-dakı payını satmaqda maraqlıdır, bacısı Caroline Figenshav Tidemand isə bunu artıq edib, lakin bu şirkətdə broker kimi işləməyə davam edir", - “The Maritime Executive” nəşri “Finansavisen”-ə istinadən yazır.
Gəmi brokeri bu həftə adını dəyişib və artıq “Lilleaker Shipping Advisors” kimi tanınır.
Bir əsrdən çoxdur ki, Lorenzens Norveçdə gəmiçilik sahəsində və ictimai həyatda tanınır. Ailənin görkəmli üzvləri arasında Hans-Lüdviq Lorenzen (1800-cü illərin sonunda o, Braziliya bazarında gəmi satmağa başlayıb), Oyvind Lorenzen (1920-30-cu illərdə Norveçdən Amerikaya sərnişin daşımasında ixtisaslaşmış “Den Norske Syd-Amerika Linje” şirkətinə rəhbərlik edib.) və Erling Sven Lorenzen (Norveç şahzadəsi Ranhildlə evlənən Norveç-Braziliyalı gəmi sahibi və sənayeçisi) var.
