Yanvar-apreldə Çin limanlarının konteyner dövriyyəsi 95,4 milyon TEU təşkil edib
2023-cü ilin yanvar-aprel aylarında Çinin bütün limanlarında konteyner dövriyyəsi 2022-ci ilin eyni dövrü ilə müqayisədə 4,8% artaraq 95,4 milyon TEU təşkil edib.
ÇXR Nəqliyyat Nazirliyinin məlumatına görə, ölkənin dəniz limanları bütün konteynerlərin 87,9%-ni işləyib, aşırılan 83,9 milyon TEU bir il əvvəlki göstəricidən 4,1% çoxdur.
Şanxay 2023-cü ilin ilk 4 ayında Çin dəniz limanları arasında konteyner dövriyyəsinə görə lider olub. Hesabat dövründə ondan 15,5 milyon TEU (+0,9%) keçib.
Ninbo aşırılma həcmini 0,1% azaldaraq 10,3 milyon TEU-ya endirib. Sindao 9 milyon TEU (+12,1%) işləyib. Şençjenin konteyner dövriyyəsi 7,4% azalaraq 8,4 milyon TEU təşkil edib. Quançjou vasitəsilə konteyner aşırılması 2,8% artaraq 7,8 milyon TEU-ya çatıb.
Qeyd edək ki, 15 ən böyük dəniz limanından 2023-cü ilin yanvar-aprel aylarında konteyner dövriyyəsinin azalması yalnız Ninbo, Şençjen və Fuçjouda baş verib. Digər limanlar artım göstərib.
Eyni zamanda, Çjouşan bütün Çin dəniz limanları arasında ən yüksək konteyner dövriyyəsi dinamikasını göstərib. 2023-cü ilin yanvar-aprel aylarında dövriyyəni 55,4% artıraraq 1,1 milyon TEU həyata keçirib. Tayçjoudan 0,23 milyon TEU keçib ki, bu da əvvəlki illə müqayisədə 38,3% çoxdur. Tsyasinin konteyner dövriyyəsi 28,4% artaraq 1 milyon TEU-ya çatıb.
Sanyada konteynerlərinin aşırılması əhəmiyyətli dərəcədə azalıb - 96,2%. Haykouda 40,8% - 0,39 milyon TEU və Hueyçjouda isə 28,4% - 0,06 milyon TEU-dək azalma qeydə alınıb.
“Seanews.az”
