Hindistan və Çinin atom elektrik stansiyaları üçün nəzərdə tutulmuş avadanlıq Sankt-Peterburq limanına çatdırılıb
Hindistan və Çinin atom elektrik stansiyaları üçün nəzərdə tutulmuş avadanlıq Sankt-Peterburq limanına çatdırılıb.
“Seanews.az” xəbər verir ki, “AEM Technologies” SC-nin “Atommash” istehsalat sahəsindən yüklənmiş avadanlıq Rusiyanın çay arteriyaları ilə 3500 kilometrlik məsafə qət edib.
Növbəti mərhələ avadanlıqların:iki reaktor və səkkiz buxar generatorunun dəniz gəmilərinə yenidən yüklənməsidir. Bundan sonra avadanlıqlar təyinat limanlarına çatana qədər minlərlə dəniz mili qət etməli olacaq.
"Kudankulam" AES Hindistanın cənubunda, Tamilnad ştatında yerləşən VVER-1000 enerji bloklarına malik atom elektrik stansiyasıdır. Hazırda AES-in ikinci və üçüncü mərhələsi olan dörd enerji blokunun tikintisi üzrə işlər aparılır.
Tyanvan Atom Elektrik Stansiyası isə Çinin Szansu əyalətində yerləşir.
