Finlandiya limanlarının ümumi konteyner dövriyyəsi azalıb
2023-cü ilin yanvar-aprel aylarında Finlandiya limanlarının ümumi konteyner dövriyyəsi tranzit daxil olmaqla 475,6 min TEU təşkil edib. Bu da 2022-ci ilin eyni dövrü ilə müqayisədə 53% azdır.
"Seanews.az" xəbər verir ki, ixrac konteyner daşımaları 6,7% artaraq 235,6 min TEU təşkil edib. Konteyner idxalı 14,3% azalaraq təxminən 210 min TEU-ya enib. Tranzit daşımaları 17,7% azalıb (31,1 min TEU).
Finlandiya Statistika İdarəsinin məlumatına görə, ölkənin konteyner limanları arasında lider olan HaminaKotka 2023-cü ilin ilk 4 ayı ərzində 207,4 min TEU (tranzit istisna olmaqla) aşırıb. Bu da bir il əvvəlkindən 0,8% çoxdur.
Bu ilin hesabat dövründə Helsinki limanının körpülərindən bir il əvvəllə müqayisədə 10,4% az konteyner keçib - onların həcmi 139 min TEU olub. Rauma isə əksinə, 62,5 min TEU işləyərək konteynerlərin aşırılma həcmini 4,6% artırıb.
2023-cü ilin 4 ayının nəticələrinə görə, Hanko limanında konteyner dövriyyəsi 22,8% azalaraq 18,6 min TEU-ya düşüb. Oulu limanı 7,7 min TEU-dan çox yük aşırıb ki, bu da 2022-ci ilin yanvar-aprel ayları ilə müqayisədə 17,4% azdır.
Konteyner dövriyyəsində Tornioda - 18,9% (3,6 min TEU-ya qədər), Kokkolada - 7% (3,1 min TEU-ya qədər), Uusikapunkidə - 69,7% (216 TEU-ya qədər) , Pietarsaaridə - 53,9% % (94 TEU-ya qədər), Raahe - 6,4% (44 TEU-ya qədər) və Pori - 85,6% (15 TEU-ya qədər) mənfi dinamika qeydə alınıb.
Eyni zamanda, 2023-cü ilin 4 ayının nəticələrinə görə, Kemi konteyner aşırılmasını 61,4% (1,2 min TEU-ya qədər), Turku - 6,7% (1 min TEU-ya qədər) artırıb.
Finlandiyanın digər limanları bu ilin yanvar-aprel aylarında konteyner aşırmayıb.
