Ceyhan terminalından yola salınmış tankerlərin sayı 4,5 mini ötüb
Türkiyənin "BOTAS International Limited" (BIL) şirkəti tərəfindən Ceyhan neft terminalından bu günədək 3,46 mlrd. barelə yaxın neft yola salınıb.
Bu barədə "APA-Economics"ə BIL-dən bildirilib.
Qeyd edək ki, Ceyhan limanından Xəzərin Azərbaycan sektorunda yerləşən "Azəri-Çıraq-Günəşli" (AÇG) neft-qaz yataqlarından hasil edilən neft dünya bazarlarına çıxarılır.
Məlumata görə, hesabat dövründə terminaldan 4 502 tanker AÇG nefti ilə yüklənilib. Bu il (mayın 28-nə olan vəziyyətə görə) Ceyhan neft terminalından 95,06 mln. barel neft və 121 tanker yüklənilib.
Xatırladaq ki, BIL 2001-ci ildən etibarən Bakı-Tbilisi-Ceyhan neft kəmərinin Türkiyə ərazisində istismarı ilə məşğul olur.
© Materiallardan istifadə edərkən hiperlinklə istinad olunmalıdır
