Qarabağ” yatağında inşa olunan özülün dayaq blokunun 60%-i yekunla
Xəzərin Azərbaycan sektorunda yerləşən “Qarabağ” yatağında inşa olunan özülün dayaq blokunun 60%-i yekunlaşıb. Bunu SOCAR-ın prezidenti Rövnəq Abdullayev müsahibəsində bildirib. O qeyd edib ki, “Qarabağ” yatağının neft və qaz ehtiyatları ilə bağlı gözləntilər böyükdür. “Bu yataqda hasilat və qazma işlərinin aparılması üçün yeni dəniz özülü inşa edilir. Özülün dayaq blokunda işlərin 60%-i artıq tamamlanıb. Eyni zamanda layihə üzrə yekun mühəndis layihələndirmə işləri aparılır”, – SOCAR prezidenti qeyd edib. O deyib ki, “Qarabağ” yatağından ilk məhsulun 2020-2021-ci illərdə əldə olunması proqnozlaşdırılır. Azərtac
© Materiallardan istifadə edərkən hiperlinklə istinad olunmalıdır
