Honq-Konq limanının konteyner dövriyyəsi azalıb
Honq-Konq limanında konteyner daşımalarının həcmi 2025-ci ilin iyul ayında da azalaraq ardıcıl üçüncü ayda geriləmə nümayiş etdirib.
“Seanews.az” xəbər verir ki, iyulda limanda 1,08 milyon TEU konteyner aşırılıb ki, bu da ötən ilin eyni dövrü ilə müqayisədə 6,5% azalma deməkdir.
“Kwai Tsing” terminalları üzrə konteyner dövriyyəsi iyul ayında 2,9% azalaraq 819 min TEU təşkil edib.
Digər terminallar üzrə göstəricilər daha kəskin olub: 260 min TEU, yəni 16,3% azalma.
Ümumilikdə, 2025-ci ilin yeddi ayı ərzində Honq-Konq limanının konteyner dövriyyəsi 7,63 milyon TEU təşkil edib. Bu da ötən ilin analoji dövrü ilə müqayisədə 3,7% azalma deməkdir.
© Materiallardan istifadə edərkən hiperlinklə istinad olunmalıdır
