Latviyanın ikinci ən böyük limanında 2,38 milyon ton müxtəlif yüklər aşırılıb
2025-ci ilin yanvar-mart aylarında dərin sulu Ventspils limanının terminallarında 2,38 milyon ton müxtəlif yüklər aşırılıb ki, bu da illik müqayisədə 1,5% çoxdur.
“Seanews.az” xəbər verir ki, hesabat dövründə aşırılan yüklərin həcminə görə neft məhsulları üstünlük təşkil edib: 1,3 milyon ton və ən böyük artım da neft məhsullarının aşırılmasında qeydə alınıb: 79%.
İqtisadi tənəzzül dövründən sonra Skandinaviya bazarı tədricən sabitləşməyə başlayır ki, bu da Latviya-İsveç bərə xəttinin nəticələrinə təsir edib. Burada yükaşırmalarda artım 22% təşkil edib.
Qeyd edək ki, Ventspils Azad Limanı yük dövriyyəsinə görə Latviyanın ikinci ən böyük limanı və ölkənin iri sənaye mərkəzlərindən biridir. 2024-cü ildə limanda 8,23 milyon ton yük aşırılmışdı ki, bu da 2023-cü illə müqayisədə 21% az deməkdir.
