Gürcüstanın dəniz limanları və terminalları konteyner gəmilərinin qəbulunu artırıb
Gürcüstan limanları və terminalları 2023-cü ilin üçüncü rübündə 3,5 milyon tondan çox yük işləyib ki, bu da 2022-ci ilin eyni dövrü ilə müqayisədə 0,5% azdır.
“Seanews.az” xəbər verir ki, aşırılmış yüklərin 43,6 faizini ümumi yüklər, 29,5 faizini maye yüklər, 26,9 faizini isə toplu yüklər təşkil edib.
Ümumilikdə, 2023-cü ilin üçüncü rübündə Gürcüstanın liman və terminallarına 4191 gəmi yan alıb ki, bunun da 32,9%-i ümumi yük gəmiləri, 28,9%-i konteyner gəmiləri, 28,4%-i maye daşıyıcıları, 9,8%-i isə toplu yüklər daşıyan gəmilər, ixtisaslaşmış gəmilər və yedək gəmiləri olub.
Hesabat dövründə Gürcüstan limanları və terminalları 70,4% çox konteyner gəmiləri, 1,7%-dən az maye yükdaşıyan gəmilər, 23,8%-dən az ümumi yük gəmiləri və 15,4%-dən az tökmə yük gəmiləri qəbul edib.
Həmçinin bu dövrdə Gürcüstanın liman və terminallarına üz tutan gəmilərin 16,5%-i Türkiyə, 16%-i Liberiya, 15%-i Panama, 7,6%-i Malta, 6%-i Vanuatu, 4,3%-i Barbados, 4,1%-i Bolqarıstan, 30,5% isə digər ölkələrin bayrağı altında üzən gəmilər olub.
Bundan əlavə, bu dövr ərzində Gürcüstan limanları 5,9 min sərnişinə xidmət göstərib ki, bu da ötən ilin müvafiq dövrü ilə müqayisədə 3,1% çoxdur. Eyni zamanda, gedən sərnişinlərin payı gələn sərnişinlərin xüsusi çəkisini üstələyir və 50,8 faiz təşkil edir.
Hazırda Gürcüstanda iki liman var - Batumi və Poti.
