ASCO profilaktik tədbirləri davam etdirir
Nazirlər Kabinetinin “Azərbaycanda yeni koronavirus xəstəliyinin yayılmasının qarşısının alınmasına dair fəaliyyət planı”nın icrasını təmin etmək məqsədi ilə “Azərbaycan Xəzər Dəniz Gəmiçiliyi” QSC (ASCO) profilaktik tədbirləri davam etdirir.
Müəyyənləşdirilmiş qrafikə uyğun olaraq növbəti dezinfeksiya işləri “Geofizik”, “Zərdab-3”, “Zəfər”, “Çalqan-6”, “Maestro Niyazi”, “PS-173”, “PSK-31”, “Vixr-9”, “Atlet-2”, “Ulluçay”, “Barja-701”, “Neftqaz-62”, “Qaradağ-4”, “Qaradağ-15”, “Babək” gəmilərində, 639 saylı üzən emalatxanada, “Zığ” Gəmi Təmiri və Tikintisi Zavodunun və Xəzər Dəniz Neft Donanmasının paltardəyişmə otaqlarında, Dəniz Nəqliyyatı Donanmasının inzibati binasında, anbarlarında, ərazisində aparılıb.
Dezinfeksiya bu sahədə ixtisaslaşmış və müvafiq lisenziyaya malik şirkət tərəfindən həyata keçirilib. Proses ASCO-nun Sosial inkişaf və nəqliyyat şöbəsinin əməkdaşlarının nəzarəti ilə yerinə yetirilib.
